قصيدة جميلة جدا على العراق

على طولك حبيبي جروح بيك تسيل
وعلى مصابك بچت حتى العصافير
جرحك ياوطن جرح لكل الاشراف
وفرحة عيد بعيون الخنازير
بمصابك أسف ياوطن شمتانين
وسمو شدتك ياوطن تحرير
ياوسفة وحسافة أنذال باعوك
قبضو والثمن حفنة دنانير
ويتصدق عليك ألچان معتاز
وأمس تشحد على بابك طوابير
وأمس چانت تهابك كلهه وتخاف
وهسه توكحو صارو مغاوير
بخزرة عين چانت تدخل أنذار
وأذا تغضب تخش كلهه بزواغير
نكرو طيبتك ماچنهم يعرفوك
ولاچنهم أمس يمك خطاطير
أمس أنت الچبير وچنت مختار
أشو هسه صفت كلهه مخاتير
خذو منك حبيبي ومحد أنطاك
ياوسفة طلعو مثل الزنابير
تلتم علدبگ وتچيت عشوش
وأذا ماكو دبگ تتلاشه وتطير
ياوسفة الزمان يدور مگلوب
وصفت الصگور تطردهه الزرازير
أصرخ ياوطن فزز جروح ألبيك
وخل توگف على حدودك نواطير
لاتتأمل العون من الجوارين
ذولة بكل اسف شلة طراطير
لأن أنت جبل من عندك يغارون
وحفرو ياوطن تحتك تره البير
وأذا يوسف سليم أبير ذبوه
على ضلوعك عمو ياما سواطير
أنهض ياوطن لاتتأمل يجروك
تره هذي بعيده وأبد متصير
فزع ياوطن أنخى علي الكرار
تلگــــــــه حسيــــــن يترسلــك شواجيــــــــر..