تحشيش بالفاتحه

المشرف المتميز **النــقاط** : 751

يمنة واحد مات كَلنة أنمر ألة
شوف بينة أشصار شوف المهزلة
كَمت صحت بحيل أقروا الفاتحة
ولا واحد قرة منهم وأستحة
واحد بصفي يهز بالمسبحة
ثاري هاي الناس كلهة أمكبسلة

شفت كل الجادر مطفي ويلوب
كَلت تعبانين أجو من الجنوب
ثاري ياهو اليجي يدكَولة حبوب
ذولة أهل الجاي سوو بلبلة

آني ما أدري الخبر جابولي جاي
النوب جابولي جكَارة أكَلاص ماي
ورة نص ساعة أبد ماظل لي راي
دخت حسبالي أنركَعت بقنبلة

ثكَل عندي لساني ميطعل جمل
كَمت أرجف آنة حسبالي شلل
واحد بصفي رجل شايب تفل
كَتلة شنهو القصة كَال أسكت علة

أرد أسولف كَمت ما أسولف صحيح
ردت أكَومن خاف لا أوكَع وأطيح
والمعزب كَلي أنتة مو مريح
كَتلة أسكت قابل أنتة مندلة

والحقيقة آنة خفت ما كَمت أشوف
كرسي فارغ يمي حسبالي خروف
ربع ساعة وكَامت تهز الجتوف
والزلم عالكَاع كلهة مجطلة

شايب كَبالي نهض لاجن وكَع
ذب شطفتة وكَام يركَصلي هجع
كَتلة عيب أستحي كَلالي وجع
لتدخل عابت الخلقة وبلة

وأجة واحد شربوا قوري وربع
ربع ساعة وأختلف عندة الوضع
كَال أهدي أغنية حلوة للربع
وأطلب أغنية هلة ومية هلة

كلهة بس أتباوع مطفية الزلم
ويمي حجي يكَول شغلولي فلم
كَتلة عيب أستحي كَلّي أنتة أنلصم
موتتنة يبو كَذلة القاتلة

تحياتي وسلامي

المدير **النــقاط** : 1850

تحشيشات لطيفه مشكووور.