قصيدة شعبية يصور فيها الوضع في العراق الحبيب

يقولون السياسية فنون كل ما تنقفل لازم تفك لك باب..
بس إحنا سياستنا ذبح وإرهاب من الباب للمحراب..
فضائيات عدنا بقد عواء الذيب طاحوا لك علينا بين طيب وطاب..
وتيارات عندنا بقد نفوس الصين ومن كثر القصب والبرد عندنا أحزاب..
ياهو اللي تلزمه يقول أنا الزين وغيري محيّل وكذاب..
باعوه الوطن تفسيخ بالمزاد.. حمّل شيل غير حساب..
وهو مو مال أبوهم حتى ما يبيعوه كل اللي إجوه أغراب..
أخوي الكردي يطالب رايد استقلال وحقه من الجنوب يريد له طلاب..
وابن بغداد عايش بس على التفخيخ والتفجير يذبح رقبة الطلاب..
ما عاد اسمك يا عراق عراق يسمونك وطن أوراب..
ما يقبل على سنة عمر تنعاف ولا شيعة علي كرهها بن خطاب..
من الله خلقنا بهالوطن إخوان سنة وشيعة فرد كتاب..
ما قلك تصاهر هذا حكي اليوم بس دقق علينا وراجع الأنساب..
كلنا من ظهر واحد نسل عدنان لو قحطان ودين أهلي سمح ومشرّع الأبواب..
سوينا طوايف ناس تاكل ناس وسووها شريعة غاب..
مو هذه ثقافتنا وحق الله هذه فكرة الأجناب..
اصحوا يا عراقيين كافي النوم مو بيطول نخلكم حطّب الحطاب..
باعوكم زمر من حيث لا تدرون وأنتو على النوايب لافين نقاب

مجهود متميز وموضوع جيد