آنه ادري بروحي أسود مو حلو
وأنت أبيض والحسن بيك أكتمل
آنه صح أسود ولآكني بلال
وأنت صح أبيض ولآكنك هبل
لساني كلش تعب منك شكد ما سأل
منك ردت بس حرف ماردت كل الجمل
والله الجمل ماردت بس ردت أذن الجمل
يالأبيض أرد أسألك آنه هل
جي أسود تعوفني شلك شغل بالشكل
الدبس أسود فحم
ومنه أنطيلك مثل
وهذا آنه مثل الدبس
والدبس من يانسب
الدبس من التمر والتمر من النخل
أدريك ما تمتثل بس راح أضرب مثل
عنتر أسود تره بس كلب عبله أشتعل
أشتعل أصبح فحم يعني السواد أكتمل
هية فحم بالكلب وهو فحم بالشكل
بيني وبينك بعد بعد الأرض عن زحل
عجل يا أبن العجل شعجب فهمني وين الخلل
العجل لهجه وفه جا ليش بية تخل
خليتي بحسرتي وتركتني بالعجل
كل حاله حل لها بس حالتك ما تحل
يانحل ما أعتقد أنت من أصل النحل
زنبور في داخلك نحلة أنت بس بالشكل
منك شفت بس كرص
ماشفت قطرة عسل