ابوذيات غزل

المشرف المتميز **النــقاط** : 4998

ابوذيات غزل

أحبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه

عيني العمت لو جيتوا تراكم
وعليهه الحزن ودموعي تراكم
حزنكم رايد اسالكم ترىكم
يعادل حزني والي صار بيه

وحك أم الكرم والطيب حديثه
أريد اكابل المحبوب وأسمع حديثه
أريد أعرف قديم أخباره وحديثه
وبلياه الزمن ناعور ودار بيه

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

دمــع عيني علـى الخدين .. جاري
وجرالي الما اظن بالناس .. جاري
ريـت اللي احبـه يكــون .. جاري
واشوفه بكــل صباح وكــــل مسيّه

سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه

خزرة عيونك طير شاهين
عليك الروح والدلال شاهين
يالجمالك صعد فوك الهام شاهين
والك نبيلة عبيد تأخذ تحية

نشدت الناس عنك وانت هينه
وعلى فراكك تلفنه وانتهينه
الكلب انت تعذبه وانت هينه
ويضل اسمك حلو وغالي عليه

غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه

يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه

الك ياما نبض كلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه

عذرا لون روحي .. حاسبتكم
لانكم جزء منه .. حاسبتكم
بجاه الحسن تعطل .. حاسبتكم
شاشه وكيس والفارة سويه