حبيبي كون اظل يمة وكربه

المشرف المتميز **النــقاط** : 4998

السلام عليكم حبايب
أبوذيات عجبتني واني اتصفح في عالم الشعر الشعبي

بسبب حبي ألك الف ذم .. وألف لام
وحجولك عن علاقاتي .. والأفلام
لكن والبده الآيه .. بالف ولام
جذب يردوك بس تزعل عليه
**********************
[يكـَلبي شمالك سعل الظيم .. حالك
صفه عمرك ظلام وليل .. حالك
أجاوب عالسألني شلون .. حالك؟
عال العال بس البيه بيه
*********************
ساعه الدنيه بيضه .. ساعه سوده
ولبست لهذا بيدي .. ساعه سوده
ساعه البيهه شفتك .. ساعه سوده
لأن من يومهه آنه أفرك بديه
*********************
من ظيمي وعذابي .. مل زماني
وصرت للناس مثل .. ملزمه آني
وىنه شماأريد ألزم .. ملزم آني
عمري تطشر شتلزم أديه؟
*********************
حبيبي كون أظل كـَربه .. ويمه
مثل طفل وكـَضه عمره .. ويمه
نخيت آنه ساده .. ويمه
يظل حبك غرس مغروس بيه
*********************
حبيبي العمر فايت .. لاتهمله
وألي مايهم لك .. لاتهم له
كـَلبي بيك ذايب .. لاتهمله
لأن من تهمله تأذيه أليه
********************
صديق الزين مثل الكـَمر .. بسماي
وعله فراكـَه تصب العين .. بس ماي
أذا مره نخاني وصاح .. بسماي
أقدم الروح لعيونه هديه
********************
على شخصك تعنينه ..وأجينه
وصرنه حطب بجفاكم ..وجينه
بجهنم أرضه وي شخصك ..وجنه
بسبب فركـَاك أبد متلوكـَ أليه
********************
دليلي ماوعه بغيرك .. وعا بيك
ورضيت بزينك وشينك .. وعابيك
أشوّر بيك تدريني .. وعابيك
وعلي .. إن جان تريد تخون بيه
*********************
تريد تعرف أحــبــك .. كم ترى كم
دشوف بكـَلبي حبك .. من تراكم
تشوف عيوني غيرك .. كم ترى كم
ولكن بالكـَلب بس أنته إليه
***********************

يارب تنال أعجابكم