() الـوطــن الـضــاااائـع ()

المشرف المتميز **النــقاط** : 4998

يالسألتيني أعلى نفسي
ليش هيّجتي الجروح
آنه من ضاع الوطن ضاعت هويتي
ومابقت بالجسد روح

آنه مجهــول الهــويـة * وياوكت ألكـه هـويتــي
أمشي حـايـر بالشـوارع * وتكسـر الخاطر مشيتي
بيـن كــوم أوراق أدوّر * وبين عبـراتي وبجيتــي
مرّة بيها اتهمت جـاري * ومرّة بيها إتهـمت بيتــي
بابي بالفـرهــود ضـاعـت
رايحـة ويـّه اليــروح
آنـه من ضـاع الـوطن ضـاعت هـويتــي
ومـابقـت بـالجســد روح

آنـه بس اسمـي عـراقـي * ومنهـو يثبـت هـذا ليّـه
ماسمعنـه بشخـص واحـد * اتـدّل عليـه غير الهـويه
بيـن أحبـابـي وصُحبتـي * ضـاكت الدنيـا عليــه
كمت بأصحـابـي أفتـّـش * بلـكي يتعـرّفـون بيـّه
ويـاشخـص أوصـل وأسئـلـه
يـديـر ظهـره يكـلي روح
آنـه من ضـاع الـوطن ضـاعت هـويتــي
ومـابقـت بـالجســد روح

وماشفـت بالنـاس واحـد * كـال إي هذا آنـه أعـرفه
وياشخـص أتعنـّه يمــّه * لـونه من وجهـه أخطـفـه
أعـذره ولا ما أحرجـه * وكل شخص أعـذره لضرفه
ولا أعتبــه ولا ألـومـه * مهمـا كانت عينــه صلفـه
آنـه هـذا ابـن العـــراق
آنـه أبـو قلـب السمــوح
آنـه من ضـاع الـوطن ضـاعت هـويتــي
ومابقت بالجســد روح

(*) الـوطــن الـضــاااائـع (*)

() الـوطــن الـضــاااائـع ()