تغيب الروح بغيابك وردها
وكتاب الشوك يمدلل وردها
روحي بفركتك يذبل وردها
ماي انت وترد الروح اليـه
قمتنه تجمعنـــــه و تلمنــــــه .. بمحبه على الفرح احنه نجمعنـــه لا عاذل يفرقنــــه و يهدنــــــه .. بس همس الشعر يطغي بحسنه
شعر شعبي عراقي ماكو منه .. تفر الكون كلــه و هــــم تردنـــــه
نكتبلك قصايد مــــــن حبرنـــه .. نسحر ناضرك يـــــا بعد اهلنـــــه
همسك غنه وصفنتك موال وصفه الكل مريض يطيب اليسمعه
واظن عشرين وازود حملة امك بيك لان دقت جمالك مو شغل تسعه
هل عطر الشعر من وجنة القراء .. و شاركنه اليحبنه و اليودنـــــــه
نرد علذوق بجنان مــــن الاذواق .. نكتب كل حرف بيـــــج يتغنـــــه
ما قصر ابد و لا ســــــل الاقلام .. خل تنشد شعرها بصافي معنه
كل همي و تجيني بضحكه ترس الفااه .. و تشمت و كلك بـس ولك كاافـــــــــي
شجـاك تغيرت مو جنــــــــه روح و روح
تشهك بالنفس تردلي افراحـــــــــــي
يا شعب العراق شبيك
دون الناس سوده مصخمه ايامك
يا شعب شوكت ترتاح من دون الاعوام مكدره اعوامك
يالحزنك حزن عاشور من عاشور تطلع
فلانساك يمعود وأجهلك
والله من الگمر خالق وجه إلك
أفكر فيك بكماطك وجهلك
أنته شبيك تتعيقل عليه
مثل كومة حطب نارك تحزني
وحجاية منك بظلوعي تحزني
شوف اهمومي وايامي وحزني
جبل على الظهر وثقل شويه
هزل هاذا الوكت و الناس كلها الـــوان .. تشــوف رجال بنفاسك تكله هــــش
و عقول من التطور كله بـــس سطول .. تحاجي فلان ما يفهم تره منش نش
تكضه شبيك خايب خل افهمك شـي .. يشوفك بس عيونه من التعب ترمش
جــا شنهي الجرا ويــن العقل و الراي .. هاذا الكالـــو يطور العقل هالــــدش
مــــا ريد الحضاره خلهاا الك يـــا خوي .. خليني بجمودي و شعري المكفـش
يصيحولي غبي لـــــو ناقص التفكيـــر .. احسن من رجال دماغهاا مكــــــرش
يلا هــــش دكافي كــــش لتشلغـــم .. صحينه اليوم بصباحك دماغ البــــش
شالوا لا على مكصد وداعي
ابليل ولا تنه الحادي وداعي
يحكلي لنسف اذراعي وداعي
بحك وخل تلوم الناس بيه
هاك شوف .. چـم جرح بحشاي تركوا چـم سهم .. جم عله بيه
بالألوف .. ليش تساهل اوياهم .. مو تعذبنه ســويـه
ولك عوف .. خلصت ثبوتك يـگلبي .. بعد مالك قابليه
عين روحك .. على جروحك
ودع العشره و غضبها
واترك السله و عنبها
واللي ينشد عن سببها
گـول سلتهم ملکهم .. و العنب كله عنبهم
ليش متلهف عليهم .. إنت گـلـبـي لوگـلـ
مستحيل .. ما حب شوفة وجههم .. ما أريد أسمع عـتـبـهـم
و الدليل .. صارت دموعي عزيزة .. و خطوتي ملت دربهم
لا يـگـلـبـي .. وشل حبي
تدري متخاصم وياهم
ليش تـتألـم وراهم
حـيـرتـنـي الخاطر الله .. إنت گـلـبـي لوگـلـبـهـم
أداري جرحي من فرگاه وأرده
يجيني يوم حتة أنطيه ورده
أدوّر بالصادر من گلبي ووارده
لگيت حبيبي ما يسأل عليه
يدنيا شمال دولابج يناحي
ومن الصوبين كسرتي جناحي
انة الكنت امر وناهي
صرت شبوط والفالات تلعب عليه
هموم هواك ما خلــــــــن .. علي حال
فريضة وحبك مـــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيــــــــــــــــــــــــــــه
هديتك ورده من روحي عساك تشم عطر فوحي
هديتك زهــرة ايامي و رجيتـــك مــــا تكاطعني
لكيتك باعـــــد و لاهي بغربتـــك بــس تجافيني
يساهي شمالهـــــا الدنيـــــــا تغربكــــم تغربني
انا الجانت حروف الشـــــــوك تتغزل باطباعي
صرت شجاي للحســـره و دمعتي الي تواسيني
ابي اكتبلك كصيدة شــــــوك و انسجها باحشائي
معانيهـــــا حروف اسمي علـي و الله هو العالي
ابيــك تحس باحساسي رجاوي تـــرد لاحضاني
أريد اهمس وسط روحك و احجي الصمت بحروفك
اكتبلك شعـــر مــــــوال انزل دمـــــــــــوع بجفونك
يغالي ويـــــــــــن عنوانك غبت عني و عن اوطانك
تعال و رد لاحضـــــــاني مشتـــــــاق الهمس فاهك
گاعده توالي الليل وانطر
ولو جابو اسمك يفز القلب وينفر
بغير شوفتك ما تفرح العين وتنسر
كلمة انتة كلتهة ورحت شذيت
عن درب الكرامة بعيد شذيت
ولك انتة اذيتني وتكول شاذيت
شعلت سفاح كلبي وجيت الية
يلي جرحت گلبي وانه شاهد
شلزم من عشرتك و اش اهد
خل غيرك حكم ونت.. شاهد
وشوف اشخذت وشخليت اليه
يظل الي نحبهم ما رادونا
جفونا وبجفاهم ما رادونا
صرت طوبه واليلعب مارادونا
بعد يا كولجي يلحك عليه
هدوم الحزن والفركة لبستني
وعليك الاسود من غيبتك لبستني
ومن رجعت لا صافحتني ولا بستني
ولا حتى كلت حقك علية
هواكم أثر بعقلي ودارةومنو مثلي ألك وفة ودارة
سمعت بقيس عاف أهلة ودارة
وعليكم ماحمل مثلي أذية