دارميات الدكتور

المشرف المتميز **النــقاط** : 4998

1
ارد اسأل الدكتور واليعرف السر
ليش امن اشوف اهواي لوني ايتغير
--
2
وتخبط ابممشاي لو صادفاني
ترتجف كل اعضاي مدري شجاني
---
3
لو صدلي بالعينين حتى انسى اسمي
وروحي احسهه اتروح ما جنهه يمي
---

4
وتفضحني هاي العين لو صد عليه
وتنسمع كل دكات كَلبي القويه
----

5
هم مثلي هاي الناس لو وحدي اعاني
ليش امن اشوف اهواي اجمد مكاني

---
6
بيهه البحر مرسوم شَكبَرهه من عين
بس خفت عدهه ارموش مثل السجاجين

----
7
ضحكتها بيها انغام مثل المؤسيقه
اللاكاهه مهما ايكون داخ ابطريقه
----

8
والورد عالوجنات عطر الرياحين
من عنده صار ايغار ورد البساتين
----

9
من نظرته الهل يوم روحي تجاهد
ياوسفه دمي الضاع من السواعد
---

10
من الله وين اتروح يل موتتني
عينك ترامي اسهام ليش انظرتني

---
11
اشكي ابدمع همال من هالظلامه
واخذ ابثار الروح يوم القيامه

---

12
يل سارق الدلال ما ابري ذمه
شوك الطفل مشتاك من يذكر امه

13
---

دكتوري شاف الروح ما مستريحه
كلي الدوء ميفيد واخذ النصيحه

---
14
غطه الجروح ِوكال رد اعله بيتك
يالساعدي بالحال تكتب وصيتك