الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجدية
معاد الناس كلهة وانتة اصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية
اني ما عشت لحظة ....... بلاهم
بلوني الناس ريت الله ....... بلاهم
سعيد العاش بالدنيا ....... بلا هم
وانه همومي كثرن و شلون بية
هجرنا ديارنا وللغرب سرنا
وارد للغيـر ماينباع سرنا
انابكتر وانـت بكتـر سرنا
وبعد هيهات رجعتنـه سويـه
هلة بهلالكم يحباب من هل
وعليكم دوم دمع العين منهل
ريحتكم عطر وتفوح من هيل
وشوفتكم ترد الروح اليه
كلت اشلون حالـــــي .. منتسلنـي
ولكن سيف صًّــــــــــدك .. منتسلني
الدمع يغلب جوابـــــــــي .. منتسلني
اضحك بالجذب غصبن عليه ؟
هواكم ملخ كبودي ونخلها
وسهامي لا تظن مجفي نخلها
غلاتك تسوا بعقوبة ونخلها
وصلاح الدين والموصل سويا
ياصاح جرح بجفاكم نزف دم دم
واحاجي بليل الشتا يرجع يدمدم
للخير دوم نحفر للفاينات اندم دم
الجسد لجلك يصاحب دوم ينساكـ
ما يوم جيت بعمل ولا عالفلس تنساكـ
تدري لو فكرت هل الروح تنساك
اعاقبها فلا تسوى افشكـة دمدم
ما تلمني غير
بس ذيج الاكفان
و بين هايه و بين هايه
أخسرت فرس الرهان
لا امان يمر عليه ..
لا حبيبه
ترجع الماضي الي كان
أخذ ليريد و تمشه
بعد شيريد الزمان .؟!
وين احنه ؟ و انتي ماكو ..
لو احط روحي بمكان
و شنهي نفع الجان الي
بعد ما فات الاوان
روحي بنار هجرك من يطفيها
واذا طيفك تعذر من يطفيها
وحك مكه وحرمها ومن يطفيها (يطوف فيها)
اضل اهواك لآخر نفس بيه
يا دنيه شنهي البيج .. بس بيه تنعين
ما متت بعد الحيل بيه انتي تدرين
كاسيتي و ب**واج يا دنيه تاذين
تركيني وي لحباب هايم بالسنين
ماكوم يا خيتي القهر شد حيله كله وياي
و الغربه عايشها بوطن راضعها مثل الماي
لا حيل يبرالي بعد ولا همه ويه عداي
اخذوني بالحميه غفل و م**رين عضاي
ششكيلج و عندج علم و ربج علم بلواي
مهجر برض هاذا الوطن و الدمع هوه دواي
موال جريته حزن و انخه علي مولاي
باب الحوائج و انفتح بهاذا الشهر انخاي
يا ربي انته المرتكز و لك شكوتي و نعواي
يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه
هيبة بس الك ربــك يـ هبــه
انسام الخير مــــن وجهك وهبه
امــر دارك يابو النخوة وهبــه
محب والطيب الك صــارة سجية
گلبي من يوم ما غبتو ورم شو
لانكم بين مي عيوني ورمشو
رسائل دبعثو ارجوكم ورمشو
لان ماكو بهجركم بس اذيه
تحياتي الكم
الرئيسية
