زهيري - مواويل عراقية

المشرف المتميز **النــقاط** : 4998

ألحيّـــاك بــــس بهــلا حيّيـــه بميـــــة هله
وفك گلبك لمگبله و صير انته گومه و هله
وفــّرلــه بسمه وفــرح لـو شفــت دمعه هله
وچيــل المحبـه بكــرم وأتــرس شليله ورد
ويــاه خلـي الحچـــي بترتاب أخــــذن ورد
ولو مــر عليه ألعطش حـط ماي عينك ورد
حتمـــاً يمــــّرك عطــش وتورد علــى منهله.
------------
ردتك اليَّ بيوم ويلاتي وخطوبي وطن
من حيث رحّال مايوم إِبّلادي وطن
وياحيف الهموم لحبال المواجع وطن
ماعاد الي صاح يحضريوم حالي انسال
واتذكرت خلّتي والدمع منّي انسال
ومن يوم صار البشر احنه صلب وانسال
وين الحضر صاحبه يفتحله كلبه وطن
------------
يامن علينا تمر ياصاحبي بس مر
وتشوف عيش الرغد حبك صفا بس مر
يامن بكلبي نبت حبك نبت بسمار
باهل العدل لاتمر بس ابتعد عنهم
جم محب هم بادلو من شافتا عنهم
عشاك هذا الوكت احجيلك انا عنهم
كلهم ابيض ابتلو لكن انا بسمر
----------
راحت سنين الوفا والهم علينا صفا
حكمي وحكمك صدر وسنين اكسر صفا
الدنيا مثل البحر والمي عليا صفا
يادنيا مثل البحر زحمة بلا قاربي
ولامن صديج وفي ولاحدا من قاربي
يادنيا ليش البعد يالله علي قاربي
سايك عليج النبي وبجاه مروة وصفا
---------
ياصاح باذن الاصم تتعب ترا لوصحت
عندالغريب اشفرق لو غيمت لوصحت
سكرانة كل الربع بلجي تهب لوصحت
واتشيل حملن ثكل زحمة بعد حملة
لو جرح صاب الظفركل الجسم حملة
احذر لداء الكذب سولك عليه حملة
لاتبخل بغانمة بعدك يخي لوصحت
---------
ياصاح سم العلي بجفوف ادية شاربة
وانوب اهذري كمت مثل الذي شاربية
ياناس هم الوكت واني بغضب شاربة
وبهمي اداور صرت من السنة لسنة
رغم العلي جرة مادنكت لسة انة
اخرس اعرفة منهو الذي لسنة تمنيتة
زلمة الوكت جا زينت شاربة
---------
ممنوع عني الفرح مامرني بس ألهم
عزاز يوم ان مشومانحت بس ألهم
أطحن بجمر ألغظة وعامات بس ألهم
يبقة عهدهم رسم لاوألذي أنزل
محكم كتابة وأبد عن دربهم منزل
دفان كبل أن تحط اللبن بس أنزل
أطبع بشفتي على الخدين بوسة ألهم
---------
اخاب عمره وفشل كل من سأل من شار
وانا بهعواكم طحت عدكم هوا من شر
جني شجره والوكت نازل علي من شار
ينشر بروحي واشب واني الصحت من شرة
ينشر بروحي واشب انا الطحت من شرة
انت الي بعت برخص.هذا الوكت من شرة
سواني قطعة خشب ورماني عالمنشار
---------
يامن خطفت عكول بحاجبك بسناك
ناوي تعذب جميع اهل الهوى بسناك
ياقوت احمر بثغرك والبردبسناك
واخدود الك بيض ماتلزم ضباب وتصد
وعيون تلهي جميع اهل الغرام وتصد
شنهو السبب يا زين عنا تميل وتصد
شيصير لو يوم يازاهي الحسن بسناك

» زهيري - مواويل عراقيه
» زهيري غير شكل
» زهيري
» زهيري بســــــــــــــــمره رد علـــــــــــى دلوعـــــــــــــــــــه
» زهيري على العراق