راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال
****************************
كصت شعره البشر بس مو مثل كصتك
وما شفت بين البشر طولك ولا كصتك
جن انته ولبشر كلي شنو كصتك
عجبني طيفك معاي ايبات عجبني
وكلما امر بدرب الكاه عاجبني
تدري انته شنوه الي فتني وبيك عاجبنتي
عاجبني كلك حلو من جدمك الكصتك
الشاعر مالك الحزين
***************سألوا تعرف الفرح لا جاوبت معرفه
وسالوا تعرف الحزن اى جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه